Portfolio Details

አሸዋ ቴክኖሎጂ ሶሉሽን አክስዮን ማህበር በኢትዮጵያ የመጀመሪያው የሆነውን ድረ-ገጽ መገንቢያ እና ERP SAAS ስሪ ማስጀመሪያ ቴክኖሎጂን በዛሬው ዕለት ይፋ አደረጉአል ።

በሀገራችን ኢትዮጵያ በቴክኖሎጂው ከፍተኛ መነቃቃት እየመጣ ሲሆን መንግስትም እሰከ 2025 ዲጅታል ኢትዮጵያን በመገንባት ሂደት ላይ መሆኑ የሚታወቅ ነው።በዚሁ መሠረት አሸዋ ቴክኖሎጂ የዲጂታል ዘርፉን ለማዘመን በስማርት ሶሊዩሽን እንደ SaaS (software as a service )፣ ኢ ኮሜርስ (Ashewa.com)፣ በ ኢ - ለርኒንግ፣ እና ሎጂስቲክና ዌርሀውስ ሰርቪስ አገልግሎቶችን እየሰራም ይገኛል፡፡

አሁን ደግሞ በሃገራችን የመጀመሪያ የሆነውን የድረገጽ መተግበሪያ እና enterprise resource planning (erp)saas ስራ ከአሸዋ ቴክኖሎጂ መቅረቡን የድርጅቱ ዋና ስራ አስፈጻሚ አቶ ዳንኤል በቀለ ገልፀዋል።

ከነዚህ ቴክኖሎጂዎች መካከል ስማርት ሳይት ቢውልደር ( Smart site builder ) አንደኛው ሲሆን ይህም አንድ ሰው በራሱ የራሱን ዌብሳይት ወይም ድረ ገጽ መገንባት እንዲችል የሚያደርግ እንዲሁም ኢ አር ፒ (ERP SAAS ) የሚባለው ደግሞ አጠቃላይ ተቋማትን በስልካችን ወይም በላፕቶፓችን መቆጣጠር እንድንችል የሚያደርግ ፕላት ፎርም መሆኑን ከነ ተጨማሪ ማብራሪያ የአሸዋ የቴክኖሎጂ ኢንጅነሪንግ ዲፓርትመንት ዳይሬክተር የሆኑት አቶ አመንሲሳ ደረጀ አቅርበዋል።

እነዚህ ቴክኖሎጂዎች በአለም ገበያ ላይ በበርካታ ሚሊዮኖች የሚገዙ ቢሆንም በአሸዋ ቴክኖሎጂ በኩል በተመጣጣኝ ክፍያ መጠቀም የሚቻል እንደሆነ ስራ አስኪያጁ የተናገሩ ሲሆን ሶፍትዌሮችን በተጠቃሚ ፍላጎት ማበልፀግ የሚያስችል አዲስ አሰራር መዘርጋቱም በተነገረበት መድረክ ከተለያዮ የሚዲያ ተቁአማት የተጋበዙ ባለሙያዎችም ለ ተጨማሪ ማብራሪያ ጥያቄዎችን አንስተዋል።

አሸዋ ቴክኖሎጂ ሶሉሽን አክስዮን ማህበር የሁላችን ጠላት የሆነውን ድህነትን ለመዋጋት እና ለመጣል ትልቅ አስተዋጽኦ እያበረከተ ባለው የቴክኖሎጂ ዘርፍ ላይ እየሰራ ያለ ተቋማት ሲሆን፤ በአስራ አንድ የቴክኖሎጂ ዘርፎች ላይ ለመስራት ተመዝግቦ በአገር ውስጥና በውጭ አገር በሠሩና በተማሩ ሰዎች የተቋቋመ በስራ ላይ የሚገኝ አገር በቀል የቴክኖሎጂ ድርጅት ነው።